ماڵه‌وه‌ > کوردی/ Kurdish > بۆ مامۆستا فه‌رزاد و هه‌ڤاڵانی/ زامدار هه‌ورامی

بۆ مامۆستا فه‌رزاد و هه‌ڤاڵانی/ زامدار هه‌ورامی

هێمای ڕامانی سه‌ربه‌ست و ئازاد/ دژبه‌بنده‌ستیی و زوڵم و ئیستیبداد
خاوه‌نی بیری به‌رزی ئینسانی/ جه‌نگاوه‌رێکی ماف و یه‌کسانی
نه‌یاری زوڵم وزۆری چه‌وسێنه‌ر/ خه‌مخۆرو هاوڕێی جوتیارو ڕه‌نجده‌ر
وڵاتپارێزو ژینگه‌پارێزبوو/ شه‌یدای سرووشتی چیای ئارێزبوو
ژینی ته‌رخانکرد به‌خشیی وه‌ک خه‌ڵات/ سه‌رپڕله‌سه‌ودای ئه‌وینی وڵات
چالاکی چه‌مکی په‌روه‌رده‌و زمان/ مامۆستاو هاوڕێی گشت قوتابییان
دژبه‌ری سووکی و بێ‌ڕێزی مرۆڤ/ شێرانه ده‌دوا، به ‌بێ ترس و خۆف
زه‌خت و ئازارو ئه‌شکه‌نجه‌‌ی زیندان/ بێ‌ڕێزی وسووکی وجه‌زره‌به‌‌و لێدان
وازی نه‌هێنا،له هه‌وڵ و خه‌بات/ تا به ئامانجی دواڕۆژی بگات
سه‌رکێش و سه‌ربه‌رز وه‌ک چیای قه‌ندیل/ دوژمن له عاستی داماوو زه‌لیل
ووتی: نا، له‌بۆ داوای لێبوردن/ خۆڕاگرو به‌رز وه‌ک هه‌ڵۆ مردن

***
ئامانجی منه، من ڕۆڵه‌ی گه‌لم
هه‌ڵۆی کوێستان و بازی سه‌ر که‌لم
سه‌رشۆڕی و په‌ستی، پێشکه‌شی ئێوه
نه‌ترس و بێباک، ووتی به‌م شێوه :
باش دڵنیابن ، هه‌زاران فه‌رزاد
بۆ سه‌رفرازی و ژینێکی ئازاد
به پێنووس و چه‌ک، به‌بڕواو به‌هێز
بیرو ڕامانم، ده‌گرنه ئامێز
ده‌بنه هۆگری ئشق و ئازادی
به‌ شه‌ڕدێن له‌گه‌ڵ زوڵم و بێدادی

***
ڕه‌گه‌زپه‌رستی زاڵمی فاشیست
بیرڕه‌شیی دڵڕه‌ش هاری شۆڤێنیست
مامۆستا فه‌رزاد له دڵی دیرۆک
ده‌مێنێته‌وه‌و ده‌بێته چیرۆک
چیرۆکی مان و خه‌بات و هه‌ستان
دژبه‌زاڵم و کۆنه‌په‌رستان
عه‌لی حه‌یده‌ریان شیرین و فه‌رهاد
سێ‌کۆڵنه‌ده‌ری سه‌ربه‌رزو ئازاد
له‌پێناوی گه‌ل بوون به قوربانی
بۆگه‌یشتن به داد و یه‌کسانی
مه‌هدی ئیسلامی لاوی کۆڵنه‌ده‌ر
ڕێبواری ڕێگای ئه‌وین و سه‌فه‌ر
له‌ بیرمان ناچن هه‌تاهه‌تایه
تا له‌گۆڕنانی جه‌هل و سه‌رمایه
٩ مه‌ی ٢٠١٠

Advertisements
:هاوپۆله‌کانکوردی/ Kurdish
  1. هیچ‌ لێدوانێک نییە تا ئێستا
  1. No trackbacks yet.

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out /  گۆڕین )

Google+ photo

You are commenting using your Google+ account. Log Out /  گۆڕین )

Twitter picture

You are commenting using your Twitter account. Log Out /  گۆڕین )

Facebook photo

You are commenting using your Facebook account. Log Out /  گۆڕین )

Connecting to %s

%d هاوشێوەی ئەم بلۆگەرانە: